🚩பகவத் கீதா🚩 🙏ஓம் ஸ்ரீ கிருஷ்ணாய பரமாத்மனே நம: 🌷ஸாங்க்2ய யோகம் (2)

🚩பகவத் கீதா🚩
🙏ஓம் ஸ்ரீ கிருஷ்ணாய பரமாத்மனே நம:
🌷ஸாங்க்2ய
யோகம் (2)

🚩 ஸதா3சி'வஸமாரம்பாம் ச'ங்கராசார்யமத்4யமாம் !
அஸ்மதா3சார்யபர்யந்தாம் வந்தே3
கு3ருபரம்பராம்!!
🚩 ஸசதாசிவனான இறைவனிடம் தொடங்கி சங்கராச்சாரியாரை இடையில் கொண்டு நமது குருமார்கள் வரை வரும் இந்த குரு பரம்பரையை நான் வந்தனம் செய்கிறேன்.🙏
💐💐 இந்த ச்லோகம் வேதாந்த வகுப்பின் துவக்கத்தில் கூறப்படும் குரு வணக்கம். எது தத்துவமோ, எது உண்மையோ, எதை அநாதி குரு பரம்பரையில் வரும் தன் குருவிடம் கற்றாரோ, அதையே சங்கரர் கற்பிக்கிறார் என்பதை இந்த ஸ்லோகம் காட்டுகிறது .
💐💐 ஒருவேளை ஒரு புதியவர் சங்கரர் கூறியதை விட ஒரு உயர்ந்த கருத்தை கூறினால், என்பதற்கு இடமே இல்லை. உபநிஷத்துக்கள் கூறுவதையே சங்கரர் கூறுகிறார். உபநிஷத்தோ "நீயே ப்ரஹமம், நீயே பூரணன்" என்று கூறுகிறது. இதைவிட கூட்டியோ, உயர்த்தியோ எப்படி சொல்ல முடியும்? இதை தவறு என்று எவரால் எப்படி நிரூபிக்க முடியும். சாஸ்திரம் "நீயே ப்ரஹ்மம்" என்று தெளிவாகக் கூறுகிறது. குருவும் அதையே தெளிவாக கூறுகிறார். ஃ"நான் ப்ரஹ்மம் நான் பூரணன்" என்பதற்கு சாஸ்த்ரமே பிரமாணம் எனும்போது அதை தவறு என்று எப்படி நிரூபிக்க முடியும்? ஏனென்றால், இந்த உண்மை வேறு எந்த பிரமாணத்தின் மூலமும் நாம் அறிய முடியாது. ஆதலால், சாஸ்திரம் கூறுவதை நம்மால் தவறு என்று நிரூபிக்க முடியாது." நானே பூரணன் நானே முழுமை"என்பதை விட அதிகம் கூட்டி சொல்லவும் முடியாது.
💐💐 கூட்டவோ, தவறென்று நிரூபிக்கவோ முடியாத ஒரு உண்மையை, தத்வத்தை வேறு எந்த தத்வமும் பாதிக்க முடியாது. உபநிஷத்து கூறுவதே கடைசி வார்த்தை எனும்போது வேறு எந்த தத்வம் அதைவிட உயர்ந்ததாக இருக்க முடியும். சாஸ்த்ரம் கூறுவது ஆத்மாவைப் பற்றி அதாவது, என்னைப்பற்றி ஆகவே என்னையும் விலக்க முடியாது. நான் பூரணன் என்பதுடன் எதையும் கூட்டவும் முடியாது. ஆதலால், நாம் புதிதாக கேள்விப்படும் எதுவும் மோக்ஷத்தின் மீது உள்ள நமது விருப்பத்தை அகற்றி, அதன் மீது விருப்பத்தை உண்டுபண்ண முடியாது. ஆகவே ஆத்மா பூரணன் என்று அறியும் நிலையைவிட வேறு உயர்ந்த நிலை கிடையாது. என்பதை நாம் நன்கு புரிந்து கொண்டால் நம் வைராக்கியத்தை எவரும், எதுவும் அசைக்க முடியாது.
💐💐 மேலும், நாம் கேள்விப்படும் விஷயம் எதுவானாலும் அது உலகத்துள் அடங்கியது. உலகம் ப்ரஹ்மத்திலிருந்து வேறுபட்டது அல்ல. அது ப்ரஹ்மத்தில் அடங்கியது. அந்த ஏகமான, ஒன்றான ப்ரஹ்மத்தைத் தவிர வேறு ஒன்றும் இல்லை. நானே அந்த ப்ரஹ்மம் என்னும் போது எந்த புதிய பொருளும் நம்மை ஆசை கொள்ள வைத்து நம் வைராக்கியத்தை குறைக்க முடியாது. இதை அறிந்து கொள்வதே விவேகம் ஆகும்..

🙏 ஓம் ஸ்ரீ கிருஷ்ணார்ப்பணம் அஸ்து🙏

Source