🚩 பகவத் கீதா🚩 🙏ஓம் ஸ்ரீ கிருஷ்ணாய பரமாத்மனே நம:

🚩யதா3 தே மோஹகலிலம்
புத்3தி4ர்வ்யதிதரிஷ்யதி!
ததா3 கா3ந்தாஸி
நிர்வேத3ம்
ச்ரோதவ்யஸ்ய
ச்'ருதஸ்ய!!(2-52)
🚩 எப்பொழுது உன் புத்தியானது மோஹம் என்னும் சகதியை கடக்கிறதோ, அப்போது நீ கேட்க வேண்டியது பற்றியும் கேட்டது பற்றியும் விருப்பமின்மை அடைவாய். (2-52)

🌹இங்கு ஒரு கேள்வி எழலாம். மோக்ஷத்தை உயர்ந்த குறிக்கோளாக அடைய கூடியவற்றிலேயே மிகவும் உயர்ந்ததாக எண்ணி நாம் அதை அடைய விரும்புகிறோம். அதற்காக ஆத்மஞானம் பெற விரும்புகிறோம்.மோக்ஷத்தில் விருப்பம் இருப்பதால் மற்றவற்றில் நாம் விருப்பதை இழக்கிறோம். அவை நமக்கு மோக்ஷத்தை தரமாட்டா என்று அவற்றில் ஆர்வம் இழக்கிறோம்.
மோக்ஷத்தை விட அதிகம் விரும்பத்தக்கது ஒன்று உள்ளது என்று இப்பொழுது ஒருவர் நம்மிடம் கூறுகிறார். அப்பொழுது நாம் என்ன செய்வோம்?......
🌹 சாதாரணமானவர்கள் மோக்ஷத்தை விட உயர்ந்தது ஒன்று இருக்கிறது என்றால், மோக்ஷத்தில் ஆர்வம் இழந்து விடலாம். நாம் அப்படி ஆர்வம் இழந்துவிட்டால் நம் விவேகம் சரியானது அல்ல. நம் வைராக்கியமும் ஸ்திரமற்றது. ஆட்டம் உடையது. புதிதாக ஒன்று வரும் வரை சிலருக்கு வைராக்கியம் இருக்கும். புதிய சூழ்நிலை வந்தவுடன் அதை விரும்பி தன் வைராக்கியத்தை கைவிட்டு விடுவார்கள். மோக்ஷத்தை விட விரும்பத்தக்கது ஒன்று உள்ளது என்று அறிந்தால் மோக்ஷத்திற்கான முயற்சிகளையும் அவற்றிலுள்ள வைராக்கியத்தையும் கைவிட்டுவிட்டு மோக்ஷத்தை விட உயர்ந்தது என்று சொல்லப்படுவதை நாம் நாடிச் செல்லலாம். இது விவேகமின்மையையும், உறுதியற்ற வைராக்கியத்தையும் காட்டுகிறது.

🙏 ஸ்ரீ கிருஷ்ணார்ப்பணம் அஸ்து

Source https://www.facebook.com/groups/166397354039372/permalink/588861138459656/